بسم الله الرحمن الرحيم
ازيكم يا شباب يارب يكون الجميع بخير وبصحة كويسة
خلاص خلص رمضان وخلص العيد
وبنبدأ سنة تانية جديدة من بعد رمضان
ياااارب تكون كلها طاعة بعيدة عن المعاصي
ويارب نثبت كلنا على احسن الحاجات اللي كنا بنعملها في رمضان طول السنة دي
ولحد ما ربنا يبلغنا رمضان مرة تانية ان شاء الله
المهم مش هطول عليكم
انا بس عاوز ابين فضل واحد من افضال النبي علينا
والفضل ده متمثل في الحديث ده
عن عَبْد اللَّهِ بْن عَمْرِو بْن الْعَاصِ أَنَّهُ سَمِعَ النَّبِيَّصَلَّى اللَّهُ عَلَيْهِ وَسَلَّمَ يَقُولُ : " إِذَا سَمِعْتُمْالْمُؤَذِّنَ فَقُولُوا مِثْلَ مَا يَقُولُ ثُمَّ صَلُّوا عَلَيَّفَإِنَّهُ مَنْ صَلَّى عَلَيَّ صَلاةً صَلَّى اللَّهُ عَلَيْهِ بِهَاعَشْرًا ثُمَّ سَلُوا اللَّهَ لِي الْوَسِيلَةَ فَإِنَّهَا مَنْزِلَةٌ فِيالْجَنَّةِ لا تَنْبَغِي إِلا لِعَبْدٍ مِنْ عِبَادِ اللَّهِ وَأَرْجُوأَنْ أَكُونَ أَنَا هُوَ فَمَنْ سَأَلَ لِي الْوَسِيلَةَ حَلَّتْ لَهُالشَّفَاعَةُ . " رواه مسلم 577
انا بس هشرح الجزئية دى
ثمَّ سَلُوا اللَّهَ لِي الْوَسِيلَةَ فَإِنَّهَا مَنْزِلَةٌ فِيالْجَنَّةِ لا تَنْبَغِي إِلا لِعَبْدٍ مِنْ عِبَادِ اللَّهِ وَأَرْجُوأَنْ أَكُونَ أَنَا هُوَ فَمَنْ سَأَلَ لِي الْوَسِيلَةَ حَلَّتْ لَهُالشَّفَاعَةُ
1- تفتكروا ان النبي عاوز خلاص بقى يقعد في الجنة لوحدة في ( الوسيلة )
لانها تنبغي لعبد من عباد الله وباقية المسلمين ميكونوش معاه ؟؟ اكيد لأ طبعا !!
2- طيب تفتكروا النبي محتاج دعائنا اصلا علشان يبلغ المنزلة دي ؟
مش كفاية انه يدعي الله سبحانه وتعالى وهو اكيد دعاؤه مستجاب !!
طيب امال في ايه
وايه قصة الدعاء ده واللي لازم نقوله بعد كل اذان ؟؟
بصوا الرسول بيقول ايه
عنْ أَبِي الدَّرْدَاءَ رَضِيَ اللَّهُ عَنْهُ، أَنَّهُ سَمِعَ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ: "مَنْ دَعَا لِأَخِيهِ بِظَهْرِ الْغَيْبِ قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ". مسلم (4/2094 ، رقم 2732).
عارفين ده معناه ايه ؟؟
معناه اننا كل ما بندعي للرسول عليه الصلاة والسلام بالدعاء ده
الملك بيرد علينا وبيقول امين ولك بالمثل
ده مش معناه ان النبي عاوز يقعد لوحده من غيرنا في الجنة
ده من حبه لينا بيدلنا على طريق سهل اوي
عن طريقه ان شاء الله ربنا يكرمنا ونكون معاه في الجنة
وهو الدعاء
بمجرد بس انك بتدعي الملك بيقولك ولك بالمثل
ولو الدعوة صادقة اكيد ربنا هيستجاب ان شاء الله وتكون مع النبي
لأ والنبي كمان علشان يحببنا في الدعاء ده بيقول
ان اللي هيقول كده هتناله شفاعة النبي يوم القيامة
علشان نحب الدعاء ده ونفضل ندعي بيه كتير
فيكون النبي في الوسيلة
واحنا كمان ببركة الدعاء ده والالحاح عليه باستمرار ان شاء الله نكون معاه
شوفتوا بقى النبي بيحبنا قد ايه
حتي في الجنة عاوزنا بردو معاه
علشان كده يارب ندعي بالدعاء ده كتير ومننساهوش وندعي باخلاص
حتى ممكن تدعي بيه علطول وفي كل وقت
وان شاء الله ربنا يستجيب
صلى الله على محمد صلى الله عليه وسلم
الموضوع ده انا سمعته من محاضرة للاستاذ مصطفى حسني
وحبيت اكتبه ليكم
يارب الكل يستفاد منه
اللهم رب هذه الدعوة التامة والصلاة القائمة
آت محمدا الوسيلة والفضيلة
وابعثه مقاما محمودا الذي وعدته
امييييييين
