مسرحية مدينة العمل
بقلم علاتوفيق
المشهد الاول
يفتح الستار على غرفة نوم أطفال بها سرير عليه طفلة نايمة وفي حضنها الدبدوب
ودخلت الام عشان تصحيها تروح المدرسة فداربينهما الحوار التالى:
الحوار بين ثريا والام
الام : أصحى بئا يا ثريا
ثريا :لأ ياماما سبينى أنام شوية
هو كل يوم لازم تصحينى من الفجرية
الام : قومى ياثريا عشان تروحى المدرسة
حتى لما تكبرى تبقى حاجة كويسة
ثريا: انا كسلانة انا تعبانة
وكمان زهت من المدرسة اللى خنأنا
الام : يلا يا ثريا بلاش كسل واجري روحى على العمل
ثريا :هو كل يوم كل يوم انا انا لسة مشبعتش نوم
الام : يا بنتى بقولك بلاش كسل ويلا روحى عالعمل
عشان يتحقق الامل
ثريا: ايه ده هى المدرسة عمل !!
الام :ايوة يابنتى..... ياحبيبتى ....المدرسة عمل للى فى سنك انتى
ثريا : ياااااااا ياماااااا انا خلاص زهقت من المدرسة دية
الام :عموما بئا براحتك وادينى خلاص نصحتك
ودلوقت انا هنزل الشغل وسيبك
تقعدى مع جدك حبيبك
تنزل الام تروح شغلها وسابت ثريا فى رعاية جدها
وخلاص ثرياأهى شبعت نوم وقامت مش لاقية حاجة تعملها طول اليوم
فقعدت تلف في البيت مفيش لعب ولا تنطيط
رايحة جاية وهى حاضنة دبدوبها والاحساس الملل مش عايز يسبها
وهى بتكلم نفسها وتقول
زهت مفيش حاجة في التلفزيون .... وزهقت كمان من الكرتون
وترمى دبدوبها وتقول انا زهت منك انت كمان
ويدخل عليها جدها ويدور بينهما الحوار التالى :
حوار ثريا مع جدها
الجد: مالك كدة يا ثريا شكلك متضايق شوية
ثريا:انا زهت يا جدو من البيت
وعايزين نخرج لو حبيت
الجد:تحبى اوديك المدرسة
وتبقى تلميذة كويسة
ثريا: لألأ مدرسة لأ
انا عايزة أجري والعب
مش عايزة اذاكر واتعب
الجد : ياثريا الناس لازم تشتغل وتتعب
مش بس تجري وتلعب
ثريا :لأ لأ انا عايزة أجري والعب
الجد يفكر قليلا ثم يقول : تحبي اوديك مدينة العمل
ثريا :مدينة العمل!!!
دى مدينة ملاهى ياجدو ولا ايه؟؟
وترجع تقول فى نفسها
مش مهم انا عايزة اخرج وخلاص
أو حتى اركب باص
هروح البس واخروح معاك
وهاسمع كلامك وانا وياك
تدخل ثريا لتغير ملابسها ثم تعود لتمسك بيد جدها وهى بتطنط فرحانة لانها ستخرج من البيت وبيده الاخرى عكازه ويذهبان معا الى مدينه العمل
ويغلق الستار
المشهد الثانى
يفتح الستار على ضجيج مدينة العمل كل عامل مشغول فى عمله
النجار يمسك شاكوش وكرسى
والحداد يمسك بسيخ من الحديد
والفلاح يمسك بفأسة ومع مشنة الخوص بها ثمار الجزر
والصياد يمسك بشبكته مشنة بها سمك
والخباز يمسك مطرحته وعليها رغيف عيش
والنحلة تطن والديك يؤذن
وكلا منهم يرتدى الملابس المميزة للشخصية ويمسك بادواته ومنهمك في عمله
يدخل الجد في يده حفيدته ثريا الى مدينة العمل فتنظر حولها فى انبهار
وهى شايفة الناس كلها بتشتغل ولا تعرف معنى الكسل
ويدور الحوار التالى:
ثريا: جدو ايه الناس دى كلها
الجد : دول سكان مدينة العمل
ثريا :هما بيعملوا ايه
الجد : أسأليهم
تتوجه ثريا لكل واحد منهم لتسأله عن ما يعمله
في شكل حوار غنائي :
يا نجار
يانجار
انت بتعمل ايه؟؟
انت بتعمل ايه؟
بعملوكوكرسي تقعدوا عليه
بعملوكوكرسي تقعدوا عليه
يا حداد
ياحداد
انت بتعمل ايه؟؟
انت بتعمل ايه؟
بمسك الحديد أفردو واتنيه بمسك الحديد أفردو واتنيه علشان نبنى عمارة جديدة
علشان نبنى عمارة جديدة
يا صياد
يا صياد
انت بتعمل ايه؟؟
انت بتعمل ايه؟
بصطاد سمكة .....وكمان سمكة......... بالصنارة أو بالشبكة
واجري ابعها واحمد ربي
واجرى وابعها واحمد ربي
يافلاح
يا فلاح
انت بتعمل ايه؟؟
انت بتعمل ايه؟
بزرع لكو جزر علشان تكلوه
بزرع لكو جزر علشان تكلوه
يا خباز
يا خباز
انت بتعمل ايه؟؟
انت بتعمل ايه؟
بخبز لكو عيش علشانتكلوه هم هم هم هم هم هم
وانتى يا نحلة
انتى يانحلة
انت بتعمل ايه؟؟
انت بتعمل ايه؟
انا قعدة بعمل العسل...... علشان ما بحبش الكسل.....
وبيضربوا بيا المثل ديما في الحرص على العمل
وانت يا كوكو
انت يا كوكو
انت بتعمل ايه؟؟
انت بتعمل ايه؟
انا اللى بصحى الناس دية...... من بدري كدة في الفجرية........
عشان يصلوا لربهم........ ويجروا يروحوا شغلهم
كوكو كوكو
الجد:شوفتى ازاى يا ثريا الناس عايشين في مدينة العمل
فتفهم ثريا الدرس وتقول
في مدينة العمل كل الناس بتشتغل
ولا يعرفوا الكسل ولا يعرفوا الكسل
فيلتف الجميع حولها ويغنون
المجموعة: في مدينة العمل كل الناس بتشتغل ولا يعرفوا الكسل ولا يعرفوا الكسل
ثريا: فيها نجار ومعه مسمار
بيصلح كل الحاجات
والفلاح بيروح الغيط
وبيزرع كل النباتات
المجموعة : في مدينة العمل كل الناس بتشتغل ولا يعرفوا الكسل ولا يعرفوا الكسل
الجد: حتى النحلة والديك كوكو
قعدين بيشتغلواكمان
وثريا قعدة في البيت
علشان بس تاكل وتنام
ثريا لأ يا جدو مش راح انام
ولا اضيع كل الايام
وهحقق كل الاحلام
انا كمان لازم اشتغل
وانسى خالص الكسل
واجري على مدرستى اوام
ويغلق الستار على ثريا وهى بتجرى
بقلم علاتوفيق
المشهد الاول
يفتح الستار على غرفة نوم أطفال بها سرير عليه طفلة نايمة وفي حضنها الدبدوب
ودخلت الام عشان تصحيها تروح المدرسة فداربينهما الحوار التالى:
الحوار بين ثريا والام
الام : أصحى بئا يا ثريا
ثريا :لأ ياماما سبينى أنام شوية
هو كل يوم لازم تصحينى من الفجرية
الام : قومى ياثريا عشان تروحى المدرسة
حتى لما تكبرى تبقى حاجة كويسة
ثريا: انا كسلانة انا تعبانة
وكمان زهت من المدرسة اللى خنأنا
الام : يلا يا ثريا بلاش كسل واجري روحى على العمل
ثريا :هو كل يوم كل يوم انا انا لسة مشبعتش نوم
الام : يا بنتى بقولك بلاش كسل ويلا روحى عالعمل
عشان يتحقق الامل
ثريا: ايه ده هى المدرسة عمل !!
الام :ايوة يابنتى..... ياحبيبتى ....المدرسة عمل للى فى سنك انتى
ثريا : ياااااااا ياماااااا انا خلاص زهقت من المدرسة دية
الام :عموما بئا براحتك وادينى خلاص نصحتك
ودلوقت انا هنزل الشغل وسيبك
تقعدى مع جدك حبيبك
تنزل الام تروح شغلها وسابت ثريا فى رعاية جدها
وخلاص ثرياأهى شبعت نوم وقامت مش لاقية حاجة تعملها طول اليوم
فقعدت تلف في البيت مفيش لعب ولا تنطيط
رايحة جاية وهى حاضنة دبدوبها والاحساس الملل مش عايز يسبها
وهى بتكلم نفسها وتقول
زهت مفيش حاجة في التلفزيون .... وزهقت كمان من الكرتون
وترمى دبدوبها وتقول انا زهت منك انت كمان
ويدخل عليها جدها ويدور بينهما الحوار التالى :
حوار ثريا مع جدها
الجد: مالك كدة يا ثريا شكلك متضايق شوية
ثريا:انا زهت يا جدو من البيت
وعايزين نخرج لو حبيت
الجد:تحبى اوديك المدرسة
وتبقى تلميذة كويسة
ثريا: لألأ مدرسة لأ
انا عايزة أجري والعب
مش عايزة اذاكر واتعب
الجد : ياثريا الناس لازم تشتغل وتتعب
مش بس تجري وتلعب
ثريا :لأ لأ انا عايزة أجري والعب
الجد يفكر قليلا ثم يقول : تحبي اوديك مدينة العمل
ثريا :مدينة العمل!!!
دى مدينة ملاهى ياجدو ولا ايه؟؟
وترجع تقول فى نفسها
مش مهم انا عايزة اخرج وخلاص
أو حتى اركب باص
هروح البس واخروح معاك
وهاسمع كلامك وانا وياك
تدخل ثريا لتغير ملابسها ثم تعود لتمسك بيد جدها وهى بتطنط فرحانة لانها ستخرج من البيت وبيده الاخرى عكازه ويذهبان معا الى مدينه العمل
ويغلق الستار
المشهد الثانى
يفتح الستار على ضجيج مدينة العمل كل عامل مشغول فى عمله
النجار يمسك شاكوش وكرسى
والحداد يمسك بسيخ من الحديد
والفلاح يمسك بفأسة ومع مشنة الخوص بها ثمار الجزر
والصياد يمسك بشبكته مشنة بها سمك
والخباز يمسك مطرحته وعليها رغيف عيش
والنحلة تطن والديك يؤذن
وكلا منهم يرتدى الملابس المميزة للشخصية ويمسك بادواته ومنهمك في عمله
يدخل الجد في يده حفيدته ثريا الى مدينة العمل فتنظر حولها فى انبهار
وهى شايفة الناس كلها بتشتغل ولا تعرف معنى الكسل
ويدور الحوار التالى:
ثريا: جدو ايه الناس دى كلها
الجد : دول سكان مدينة العمل
ثريا :هما بيعملوا ايه
الجد : أسأليهم
تتوجه ثريا لكل واحد منهم لتسأله عن ما يعمله
في شكل حوار غنائي :
يا نجار
يانجار
انت بتعمل ايه؟؟
انت بتعمل ايه؟
بعملوكوكرسي تقعدوا عليه
بعملوكوكرسي تقعدوا عليه
يا حداد
ياحداد
انت بتعمل ايه؟؟
انت بتعمل ايه؟
بمسك الحديد أفردو واتنيه بمسك الحديد أفردو واتنيه علشان نبنى عمارة جديدة
علشان نبنى عمارة جديدة
يا صياد
يا صياد
انت بتعمل ايه؟؟
انت بتعمل ايه؟
بصطاد سمكة .....وكمان سمكة......... بالصنارة أو بالشبكة
واجري ابعها واحمد ربي
واجرى وابعها واحمد ربي
يافلاح
يا فلاح
انت بتعمل ايه؟؟
انت بتعمل ايه؟
بزرع لكو جزر علشان تكلوه
بزرع لكو جزر علشان تكلوه
يا خباز
يا خباز
انت بتعمل ايه؟؟
انت بتعمل ايه؟
بخبز لكو عيش علشانتكلوه هم هم هم هم هم هم
وانتى يا نحلة
انتى يانحلة
انت بتعمل ايه؟؟
انت بتعمل ايه؟
انا قعدة بعمل العسل...... علشان ما بحبش الكسل.....
وبيضربوا بيا المثل ديما في الحرص على العمل
وانت يا كوكو
انت يا كوكو
انت بتعمل ايه؟؟
انت بتعمل ايه؟
انا اللى بصحى الناس دية...... من بدري كدة في الفجرية........
عشان يصلوا لربهم........ ويجروا يروحوا شغلهم
كوكو كوكو
الجد:شوفتى ازاى يا ثريا الناس عايشين في مدينة العمل
فتفهم ثريا الدرس وتقول
في مدينة العمل كل الناس بتشتغل
ولا يعرفوا الكسل ولا يعرفوا الكسل
فيلتف الجميع حولها ويغنون
المجموعة: في مدينة العمل كل الناس بتشتغل ولا يعرفوا الكسل ولا يعرفوا الكسل
ثريا: فيها نجار ومعه مسمار
بيصلح كل الحاجات
والفلاح بيروح الغيط
وبيزرع كل النباتات
المجموعة : في مدينة العمل كل الناس بتشتغل ولا يعرفوا الكسل ولا يعرفوا الكسل
الجد: حتى النحلة والديك كوكو
قعدين بيشتغلواكمان
وثريا قعدة في البيت
علشان بس تاكل وتنام
ثريا لأ يا جدو مش راح انام
ولا اضيع كل الايام
وهحقق كل الاحلام
انا كمان لازم اشتغل
وانسى خالص الكسل
واجري على مدرستى اوام
ويغلق الستار على ثريا وهى بتجرى
عدل سابقا من قبل علاتوفيق في الخميس مارس 28, 2013 3:48 pm عدل 1 مرات
