ماهو وجه الشبه بين الحمار والأرنب؟
الحمار باللغة الانجليزية اسمه دونكي
احذف (دون) ظلّت كي
كي بالعربي يعني مفتاح
حط مفتاح في حكمة .. الصبر مفتاح الفرج
احذف مفتاح الفرج، ظلّت الصبر
حط الصبر في حكمة بعد .. الصبر جميل
احذف الصبر، ظلّت جميل
في ممثل مصري اسمه جميل راتب
احذف جميل، ظلّت راتب
اعكس الحرفين الأخيريين (التاء والباء)
صارت رابت
ورابت فى اللغة الإنجليزية يعني بالعربى أرنب
ودا الللى احنا عايزينة
اسئله رخمه رخمه يعنى ....؟؟؟؟
س: ايه الشبه بين التفاح والكمثرى ؟؟
ج: الاتنين مش جوافة
س: ايه الشبه بين الصعيدي الذكي وسوبر مان ؟؟
ج: الاتنين خيال علمي
***********
س: ايه الفرق بين الصحراء.. وايام الاسبوع..
ج: الصحراء مفيهاش حد
ايام الاسبوع فيها حد واحد
***********
س: واحد وقع من الدور التاسع لقى ايه ؟؟
ج: لقى مصرعه
س: واحد وقع من الدور العاشر لقى ايه ؟؟
ج: لقى حتفه
***********
س: ليه نابليون كان بيقعد قدام التلاجة ؟؟
ج: عشان يستنى حملة فريزر
***********
س: ايه هي قمة الادب ؟؟
ج: انك تخبط على التلاجة قبل متفتحها
س: ايه هي قمة الصبر ؟؟
ج: انك تستنى حد يفتحلك
س: ايه هي قمة الدهشة ؟؟
ج: حد يفتحلك فعلا
***********
س: إيه وجه الشبه بين الحلاق وجورباتشوف ؟
ج: الإتنين بيتعاملوا مع الروس
س: إيه وجه الشبه بين القمر وصينية البطاطس ؟
ج: الإتنين ميتعملوش عصير مانجو
***********
س: إيه العلاقة بين الكمبيوتر والحفرة ؟
ج: الكمبيوتر حاسب آلى
أما الحفرة حاسب لتقع
س: ليه في الأرجنتين مش بيزرعوا تين ؟
ج: لأنها من الدول اللا تينية
***********
س: إيه الفرق بين الليمون والزيتون ؟؟
ج: الأولاني بيتعمل منه لاموناتة والتاني مابيتعملش منه زاتونات
